ეს მომსახურება ეხება ელექტროსისტემის ძირითადი კომპონენტების შემოწმებას და მოვლას:

1. უწყვეტი კვების წყაროს (UPS-ის) შემოწმება და გაწმენდა;
2. აკუმულატორების შემოწმება და გაწმენდა;
3. დამიწების სისტემის შემოწმება;
4. ელექტროფარის შემოწმება.

უწყვეტი კვების წყარო (UPS) არის მოწყობილობა, რომელიც უზრუნველყოფს ელექტრომომარაგების სტაბილურობას და ელექტროენერგიის უწყვეტობას. გამართული და ხანგრძლივი მუშაობისთვის აუცილებელია მისი და მასთან დაკავშირებული კომპონენტების გეგმიური შემოწმება, ხოლო საჭიროების შემთხვევაში ტექნიკური მომსახურება.

აკუმულატორი არის უწყვეტი კვების წყაროს შემადგენელი კომპონენტი, რომელზეც დამოკიდებულია, განსაზღვრული დროით, მასზე დაერთებული დატვირთვის ენერგოუზრუნველყოფა.

დამიწების სისტემა აუცილებელია, როგორც მოწყობილობების გამართულად ფუნქციონირებისთვის, ასევე ადამიანზე ელექტრული დენის ზემოქმედებისგან დაცვისთვის.

ელექტროფარში არსებული მოწყობილობები უზრუნველყოფენ მასზე დაერთებული გამტარებისა და მთლიანი ელექტროქსელის დაცვას. ტერმინალების მიერ დენის გატარებისას მისი ტემპერატურა იმატებს და სადენი ფართოვდება, ხოლო გაციებისას იკუმშება, რაც იწვევს გადაჭერის შესუსტებას და მცირდება კონტაქტი. ეს იწვევს მათ გაცხელებას და შესაძლოა ხანძრის გამომწვევი მიზეზი გახდეს.

თითოეული კომპონენტის შემოწმება და მოვლა აუცილებელია სისტემის გამართულად მუშაობისთვის.

1. უწყვეტი კვების წყაროს (UPS-ის) შემოწმება და გაწმენდა

1.1. დედადაფის შემოწმება და გაწმენდა

• დედადაფის ელექტრული კომპონენტების, ვიზუალურად და თერმოკამერით შემოწმება;
• სპეციალური ელექტროსტატიკური ფუნჯით და ჰაერის დაბერვით მტვრის ნაწილაკების მოშორება.

1.2. ქულერის შემოწმება და გაწმენდა

• ქულერის შემოწმება ხმაურზე (მუშაობის დროს ხმაური მიუთითებს გაუმართაობაზე);
• ქულერის მტვრისგან გაწმენდა.

ქულერი უზრუნველყოფს UPS-ში კომპონენტების გაგრილებას, რაც ხელს უშლის გადახურებას და კომპონენტების დაზიანებას. საჭიროების შემთხვევაში შესაძლოა მოხდეს დაზიანებული ქულერის ჩანაცვლება.

1.3. კაბელებისა და კონექტორების შემოწმება

• სადენებისა და კონექტორების ცვეთის შემოწმება;
• სადენების და კონექტორების ვიზუალურად და თერმოკამერით შემოწმება.

2. აკუმულატორების შემოწმება და გაწმენდა

• კორპუსის ვიზუალური დათვალიერება;
• თერმოკამერით აკუმულატორის დიაგნოსტირება (მაღალი ტემპერატურა მიუთითებს აკუმულატორის დაზიანებას);
• სადენების მთლიანობის შემოწმება;
• კონექტორების და აკუმულატორთან კავშირის შემოწმება;
• სადენების და კონექტორების ტემპერატურის თერმოკამერით შემოწმება;
• აკუმულატორების მტვრისგან გაწმენდა;
• სპეციალური ტესტერით აკუმულატორის მდგომარეობის გაზომვა;
• სპეციალური, დინამომეტრიული ქანჩით რეკომენდებული ძალით ჭანჭიკის გადაჭერა.
• ანგარიშის მომზადება.

3. დამიწების სისტემის შემოწმება

• არსებული დამიწების სისტემის სტანდარტთან შესაბამისობის შემოწმება საკომუნიკაციო ჭის არსებობის შემთხვევაში;
• დამიწების სისტემის უწყვეტი კვების წყაროსთან კავშირის შემოწმება (აუცილებელია უწყვეტი კვების წყაროს გამართულად მუშაობისთვის);
• ანგარიშის მომზადება.

4. ელექტროფარის შემოწმება

• ვიზუალური დათვალიერება;
• თერმოკამერით დათვალიერება;
• მტვრისგან გაწმენდა;
• დამიწების და ნეიტრალის დაფის კონტაქტების შემოწმება;
• სპეციალური, დინამომეტრიული ქანჩით რეკომენდებული ძალით გადაჭერა;
• გაჟონვის რელეს არსებობის შემთხვევაში მისი მუშაობის შემოწმება;
• ანგარიშის მომზადება.