ეს მომსახურება გულისხმობს ქსელური ინფრასტრუქტურის სიღრმისეულ კვლევასა და ანალიზს. ქსელის აუდიტი პასუხობს კითხვებს: რა რესურსებს ფლობს ორგანიზაცია, რამდენად ეფექტურად მუშაობენ ისინი და რამდენად დაცულია სისტემა პოტენციური საფრთხეებისგან.

აუდიტის სერვისი დაყოფილია ოთხ ძირითად ეტაპად:

1. ფიზიკური დონის ანალიზი

ამ ეტაპზე ხდება ქსელური ინფრასტრუქტურის ფიზიკური კომპონენტების შემოწმება:
• კაბელირების სისტემა: სადენების ფიზიკური მდგომარეობის, ხარისხისა და მარკირების შემოწმება.
• ენერგომომარაგება: კვების წყაროების (Dual PSU), უწყვეტი კვების სისტემების (UPS) მდგრადობისა და რეზერვირების შემოწმება.
• გარემო პირობები: გაგრილების სისტემების ფუნქციონირებისა და ტემპერატურული რეჟიმის ეფექტიანობის შეფასება აპარატურის გადახურების თავიდან ასაცილებლად.

2. არხის დონის ანალიზი და უსაფრთხოება

• შიდა ქსელის უსაფრთხოება: ისეთი მექანიზმების შემოწმება, როგორიცაა Port Security, DHCP Snooping, Dynamic ARP Inspection, VLAN იზოლაცია და სხვა.
• რეზერვირება და სტაბილურობა: STP/RSTP პროტოკოლების მუშაობისა და Link Tracking-ის ანალიზი ქსელური მარყუჟების თავიდან ასაცილებლად.

3. ქსელური დონის ანალიზი და უსაფრთხოება

• როუტინგი და ხელმისაწვდომობა: როუტინგის, Failover მექანიზმების და დატვირთვის განაწილების შემოწმება. Firewall-ების კონფიგურაციის, წვდომის კონტროლის სიების (ACL) და VPN კავშირების აუდიტი.
• წარმადობის ოპტიმიზაცია: QoS (Quality of Service) პარამეტრების შემოწმება ტრაფიკის პრიორიტეტიზაციისთვის (მაგ. VoIP და ვიდეო კავშირებისთვის).

4. ანგარიში

აუდიტის დასკვნითი ეტაპია სრულყოფილი დოკუმენტაციის მომზადება, რომელიც მოიცავს:
• რეზიუმე: 1-2 გვერდიანი შეჯამება მენეჯმენტისთვის, სადაც მარტივი ენით არის აღწერილი ძირითადი რისკები და სტრატეგიული რეკომენდაციები.
• დეტალური ტექნიკური ანგარიში: IT გუნდისთვის მომზადებული დოკუმენტაცია ქსელის მოწყობის და კონფიგურაციული ხარვეზების შესახებ.
• ქსელის ტოპოლოგია: სისტემის სრული ვიზუალიზაცია L1, L2 და L3 დონის დიაგრამების სახით.
• რისკების მატრიცა: აღმოჩენილი პრობლემების კლასიფიკაცია პრიორიტეტულობის მიხედვით (კრიტიკული, საშუალო, დაბალი) და მათი გადაჭრის კონკრეტული გზები.