ინტელკომ ჯგუფმა წარმატებით დაასრულა ყაზბეგის მუნიციპალიტეტში პოპულარულ ტურისტულ ზონაში მდებარე ალპური ქოხის,
,,ალტიჰატ 3014“-ის, ენერგოსისტემის განახლების სამუშაო.

პროექტის მიზანი იყო ავტონომიური ენერგოსისტემის ეფექტურობისა და უსაფრთხოების გაზრდა. ტექნიკურმა გუნდმა შეისწავლა არსებული ინფრასტრუქტურა და ხელმისაწვდომი რესურსები, რის საფუძველზეც განისაზღვრა სისტემის განახლებისთვის საჭირო ტექნიკური გადაწყვეტები.

განახლების ფარგლებში:

1.  არსებული ინვერტორები ჩანაცვლდა Epever-ის თანამედროვე ინვერტორებით.

2.  შემოწმდა არსებული აკუმულატორები და მათი ტექნიკური მდგომარეობისა და რესურსის გათვალისწინებით დაჯგუფდა.

3.  სრულად განახლდა გამანაწილებელი ფარები და სადენები.

შედეგად, ალპურ ქოხს უკვე აქვს საიმედო და უსაფრთხო ელექტროსისტემა, რომელიც სრულად ფარავს შენობის ელექტროენერგიის მოთხოვნებს.

აღსანიშნავია, რომ ინტელკომ ჯგუფის მაღალმთიან და რთულ რელიეფზე მუშაობის
გამოცდილებამ ალტიჰატის პროექტის ეფექტურად და უსაფრთხოდ განხორციელებაში მნიშვნელოვანი როლი ითამაშა.

,,ალტიჰატი 3014’’ - ეკოლოგიური და თანამედროვე მასალების გამოყენებით აშენებული უნიკალური ალპური ქოხია, რომელიც 35 სტუმარზეა გათვლილი და გერგეტის სამებიდან დაახლოებით 3 საათის საფეხმავლო დისტანციაზე, ზღვის დონიდან 3,014 მეტრის სიმაღლეზე მდებარეობს.