MobyLive 26-ის ექსკლუზიური სატელეკომუნიკაციო პარტნიორის, კომპანია „სელფის“, დაკვეთით, ინტელკომ ჯგუფმა რუსთავის საერთაშორისო ავტოდრომზე გამართული Moby-ს კონცერტისთვის საჭირო ქსელური ინფრასტრუქტურა მოაწყო.

ღონისძიების მასშტაბის, მოსალოდნელი მაღალი ქსელური დატვირთვისა და  უსაფრთხოების მკაცრი მოთხოვნების გათვალისწინებით, ადგილზე დაინერგა Wi-Fi 7 ტექნოლოგიაზე დაფუძნებული თანამედროვე ქსელური არქიტექტურა და ცენტრალიზებული მართვის სისტემა.

პროექტის ფარგლებში განსაკუთრებული ყურადღება დაეთმო ქსელის სეგმენტაციასა და იზოლაციას. სხვადასხვა საჭიროებისთვის შეიქმნა ცალკე, დაცული და პრიორიტეტული ქსელური გარემო:

♦️ გადახდის ტერმინალები დაცულ, მაღალსიჩქარიან ქსელზე დაერთდა, რაც შეუფერხებელ ტრანზაქციებს უზრუნველყოფდა.

♦️ Moby-ს გუნდის, არტისტებისა და ორგანიზატორებისთვის მოეწყო ცალკე, იზოლირებული და დაცული Wi-Fi ქსელი, რომელიც ღონისძიების მიმდინარეობისას სტაბილურ კავშირს უზრუნველყოფდა.

აღნიშნული პროექტი კიდევ ერთხელ ადასტურებს „ინტელკომ ჯგუფის“ გამოცდილებასა და საიმედოობას მასშტაბური ღონისძიებებისთვის ქსელური ინფრასტრუქტურის მოწყობის მიმართულებით.

„სელფი“ საქართველოს სატელეკომუნიკაციო ბაზარზე ერთ-ერთი წამყვანი კომპანიაა, რომელიც 1.3 მილიონზე მეტ მომხმარებელს ემსახურება და თანამედროვე საკომუნიკაციო ტექნოლოგიების განვითარებაში მნიშვნელოვან როლს ასრულებს. კომპანია რეგულარულად უჭერს მხარს მასშტაბურ კულტურულ და გასართობ ღონისძიებებს და მათი პარტნიორისა თუ სპონსორის სტატუსით ხელს უწყობს საქართველოში ამ სფეროს განვითარებას.