Tbilisi Open Air 2026-ის ტელეკომ პარტნიორის „სელფის“ დაკვეთით ინტელკომ ჯგუფმა“ განახორციელა რეგიონში ერთ-ერთი ყველაზე მასშტაბური მუსიკალური ფესტივალის, ქსელური ინფრასტრუქტურის მოწყობის პროექტი.

ქსელის უსაფრთხოებისა და უწყვეტი მუშაობის უზრუნველსაყოფად, პროექტის ფარგლებში დაინერგა Wi-Fi 7 ტექნოლოგიაზე დაფუძნებული თანამედროვე ქსელური არქიტექტურა. UniFi-ს ცენტრალიზებული მართვისა და 24-საათიანი მონიტორინგის სისტემის მეშვეობით, ფესტივალის მთელ ტერიტორიაზე უზრუნველყოფილი იყო სტაბილური, დაცული და მაღალსიჩქარიანი ინტერნეტკავშირი.

ინფრასტრუქტურის ფარგლებში რამდენიმე მნიშვნელოვანი მიმართულება გამოიყო:

• ფესტივალის ტერიტორიაზე არსებული გადახდის ტერმინალები სრულად დაუკავშირდა მაღალსიჩქარიან, დაცულ შიდა ქსელს, რამაც სწრაფი და შეუფერხებელი ტრანზაქციები უზრუნველყო.
• გამოიყო დამოუკიდებელი Wi-Fi ზონა, რათა PR გუნდსა და მედიის წარმომადგენლებს სოციალურ ქსელებში კონტენტის უწყვეტად გაზიარების შესაძლებლობა ჰქონოდათ.
• არტისტებისა და ორგანიზატორებისთვის მოეწყო მაღალი პრიორიტეტის მქონე, უსაფრთხო და ცალკეული Wi-Fi სივრცე.
• საფეხბურთო მატჩების პირდაპირი ეთერისთვის (Live Stream) გამოიყო სტაბილური მაღალსიჩქარიანი არხი, რამაც ტრანსლაციის უწყვეტობა და მაღალი ხარისხი განაპირობა.

„სელფი“ საქართველოს სატელეკომუნიკაციო ბაზრის ერთ-ერთი წამყვანი კომპანიაა, რომელიც 1.3 მილიონზე მეტ მომხმარებელს ემსახურება და თანამედროვე საკომუნიკაციო ტექნოლოგიების განვითარებაში მნიშვნელოვან როლს ასრულებს. კომპანია რეგულარულად უჭერს მხარს მასშტაბურ კულტურულ და გასართობ ღონისძიებებს და მათი პარტნიორისა თუ სპონსორის სტატუსით ხელს უწყობს საქართველოში მნიშვნელოვანი ინიციატივების განხორციელებას.