„ინტელკომ ჯგუფმა“ წარმატებით განახორციელა კლინიკა „ლიდერმედის“ ქსელური ინფრასტრუქტურის აუდიტისა და მასშტაბური განახლების პროექტი, რომლის მიზანი იყო მაღალი გამტარუნარიანობის, სტაბილური და დაცული ციფრული  ეკოსისტემის შექმნა.

პროცესი დაიწყო არსებული სისტემის აუდიტით, რამაც საშუალება მოგვცა, მიგვეღო ქსელის ინფრასტრუქტურის სრული სურათი და გამოგვევლინა სუსტი წერტილები. აუდიტის საფუძველზე შემუშავდა მოდერნიზაციის გეგმა და წარმატებით განხორციელდა შემდეგი სამუშაოები:

• შენობის ექვსივე სართულის ქსელური კვანძები ცენტრალურ სასერვერო ოთახთან დაკავშირდა ოპტიკურ-ბოჭკოვანი კაბელებით, რამაც მონაცემთა გადაცემის სიჩქარე მნიშვნელოვნად გაზარდა.
• დაინერგა Fortinet-ის უახლესი თაობის ფაიერვოლები, რაც კლინიკას იცავს კიბერშეტევებისგან და ქსელის გამართულად მუშაობას უზრუნველყოფს.
• არსებული ქსელური მოწყობილობები შეიცვალა მაღალი წარმადობის, თანამედროვე მოდელებით, რითაც გაიზარდა სისტემის მდგრადობა.
• ტესტირების შემდეგ განხორციელდა კაბელების მარკირება, IT პერსონალს ჩაუტარდა ინსტრუქტაჟი და გადაეცათ შესაბამისი ტექნიკური დოკუმენტაცია.

კლინიკა „ლიდერმედი“ ერთ-ერთი ლიდერია საქართველოს რეპროდუქციული მედიცინის დარგში, სპეციალიზებულია ინ ვიტრო განაყოფიერების, გინეკოლოგიური და ზოგადი ქირურგიის, პლასტიკური ქირურგიის, გინეკოლოგიის, ანდროლოგიისა და ენდოკრინოლოგიის მიმართულებით.

გამართული IT ინფრასტრუქტურა კლინიკისთვის სასიცოცხლოდ მნიშვნელოვანია პაციენტთა მონაცემების დაცვისა და უწყვეტი სამედიცინო სერვისების მიწოდებისათვის.