ინტელკომ ჯგუფმა წარმატებით განახორციელა უახლესი თაობის უსადენო ქსელის მოწყობის პროექტი რუსთავის აზოტი ინდორამას ქარხნის ტერიტორიაზე.
მოწყობილობების მოდელებისა და განთავსების ადგილების შესარჩევად შესრულდა უსადენო ქსელის პროექტირება. შედეგად, შენობებში განთავსდა თანამედროვე Wi-Fi 6-ის, ხოლო გარე პერიმეტრზე უახლესი Wi-Fi 7 სტანდარტის მქონე დაშვების წერტილები.
უსადენო ქსელის ცენტრალიზებული მართვა შესაძლებელია განხორციელდეს, როგორც ლოკალურად, ისე დაშორებულად, UniFi Controller-ის საშუალებით.
ახალი თაობის დაშვების წერტილები უზრუნველყოფენ სწრაფ, საიმედო და უსაფრთხო უსადენო კომუნიკაციას.
რუსთავის აზოტი 2023 წლიდან კორპორაცია ინდორამას ნაწილია და წარმოადგენს ამიერკავკასიაში მინერალური სასუქებისა და ინდუსტრიული ქიმიკატების მწარმოებელ უმსხვილეს ქიმიურ საწარმოს. ნახევარ საუკუნეზე დიდი ისტორიის მქონე საწარმო, სადაც დღეისთვის 2 ათასზე მეტი ადამიანია დასაქმებული, სტაბილურობისა და ხარისხის გარანტიაა მსოფლიოს მრავალი ქვეყნისთვის.
