შესრულებული პროექტები

სასტუმრო მარჯან პლაზა

სასტუმრო მარჯან პლაზა (თბილისი, 2022)

თბილისში ახალ სასტუმროში "მარჯან პლაზა" განხორციელდა ქსელური ინფრასტრუქტურისა და VoIP სატელეფონო სისტემის ფიზიკური ინსტალაცია და კონფიგურაცია.

დამკვეთის მხრიდან იყო მოთხოვნა, არსებულ კაბელებზე შესრულებულიყო WiFi დაშვების წერტილების ფიზიკური ინსტალაცია, კონფიგურაცია და ტესტირება. ასევე შიდა ქსელის გამართულად მუშაობისთვის არსებული სვიჩების და MikroTik-ის ცენტრალური როუტერის კონფიგურაცია, შესაბამისი VLAN-ების და წვდომის უფლებების გათვალისწინებით.

გარდა ამისა Yeastar-ის სატელეფონო სადგურის და Yealink-ის IP ტელეფონების ფიზიკური ინსტალაცია და კონფიგურაცია.

წინასწარ დაპროექტდა და პროექტის მიხედვით შესრულდა შემდეგი სამუშაოები

შიდა ქსელის მოწყობა

ქსელის მოსაწყობად გამოვიყენეთ MikroTik -ის ცენტრალური როუტერი CCR1016-12G. მასზე დავაკონფიგურირეთ უსაფრთხოების პარამეტრები, შევქმენით სხვადასხვა ქსელი სხვადასხვა VLAN-ებისთვის, შევზღუდეთ წვდომა სერვისებზე სხვადასხვა მომხმარებლებისთვის. ასევე განვახორციელეთ კონფიგურაცია არსებული ბრენდის სვიჩებზე. შევქმენით რამდენიმე VLAN კომპიუტერებისთვის, ტელეფონისთვის, უსადენო ქსელისთვის და მენეჯმენტისთვის.

WiFi

უსადენო დაშვების წერტილებად გამოვიყენეთ Ubiquiti-ის ბრენდის მეექვსე თაობის დაშვების წერტილები U6-LR, რომლებიც განვათავსეთ სასტუმროს 6 სართულზე, უსადენო ქსელის ცენტრალიზებული მართვისთვის გამოვიყენეთ UCK-G2-PLUS მოდელის კონტროლერი. უსადენო დაშვების წერტილებზე შეიქმნა ორი SSID, საიდანაც ერთ-ერთი განკუთვნილია სტუმრებისთვის, ამ SSID-ზე დავაწესეთ შეზღუდვა, რომლის თანახმადაც თითოეული მომხმარებელი გამოიყენებს მხოლოდ 5Mbps სიჩქარეს, ხოლო მეორე SSID-ს გამოიყენებს სასტუმროს მომსახურე პერსონალი. ორივე SSID იქნება განთავსებული სხვადასხვა VLAN-ში და შესაბამისად მასზე მიერთებული მომხმარებლებს გააჩნიათ სხვადასხვა უფლებები.

სატელეფონო სისტემა

სატელეფონო სისტემის მოსაწყობად გავმართეთ Yeastar-ის ბრენდის სატელეფონო სადგური S100 და Yealink-ის ბრენდის 100-ზე მეტი IP ტელეფონი. სატელეფონო სადგურზე დავარეგისტრირეთ ორი გარე ნომერი. ავაწყვეთ სატელეფონო ცენტრი და ადმინისტრაციასთან შეთანხმებით განვსაზღვრეთ მიღებული და გაშვებული ზარების პოლიტიკა.

გააზიარე ბმული
UbiquitiMikroTikKSTARYealinkYeastarSumitomo ElectricUNIVIEWLeochZTTDRAKAEtk kabloNEXMirsanSynologyGrandwayBDCOM