ინტელკომ ჯგუფს ოფიციალური ვიზიტით ეწვივნენ Easy Detect-ის ექსპორტისა და რეგიონალური გაყიდვების წარმომადგენლები.

ვიზიტის ფარგლებში გაიმართა სამუშაო შეხვედრები გაყიდვების, შესყიდვებისა და ტექნიკურ გუნდებთან. შეხვედრების დროს ბრენდის წარმომადგენლებმა გუნდებს გაუზიარეს საერთაშორისო პრაქტიკა და გამოცდილება, რაც კომპანიას დაეხმარება მომხმარებლებს შესთავაზოს მათ საჭიროებებზე მორგებული თანამედროვე სახანძრო სისტემების გადაწყვეტები.

Easy Detect ესპანური წარმოშობის ბრენდია და ფრანგული ჯგუფის, DEF Network-ის წევრია. ბრენდის მრავალწლიანი საინჟინრო გამოცდილება ეფუძნება 30-წლიან უწყვეტ კვლევას, განვითარებასა და ტექნოლოგიურ ინოვაციებს.

ინტელკომ ჯგუფისთვის მნიშვნელოვანია საერთაშორისო პარტნიორებთან მჭიდრო თანამშრომლობა, რათა მომხმარებლებს შესთავაზოს სანდო, ეფექტური და თანამედროვე გადაწყვეტები.