1-5 ნოემბრის ჩათვლით, ჩინეთის ახლად გახსნილ ტურისტულ ქალაქ იაჰოუში (Yaohu), კომპანია Uniview-მ გამართა გლობალური სამიტი პარტნიორი ორგანიზაციებისთვის - “2025 Uniview Global Partner Summit - Beyond Borders”. ღონისძიებაზე მიწვეულნი იყვნენ ინტელკომ ჯგუფი და მისი პარტნიორი კომპანია გლობალ სისტემსი.
თავდაპირველად სტუმრებმა მოინახულეს Uniview-ის სათავო ოფისი და საგამოფენო სივრცე, სადაც მათ გაიცნეს კომპანიის პრეზიდენტი. ასევე, ჩატარდა შეხვედრები ტოპ-მენეჯმენტის წარმომადგენლებთან. მხარეებმა განიხილეს სამომავლო თანამშრომლობის გეგმები და განვითარების სტრატეგიული მიმართულებები.
გლობალურ სამიტზე განხილული იყო ხელოვნური ინტელექტის ინტეგრაცია Uniview-ის პროდუქტებში, 24-საათიანი ფერადი ხედვის ტექნოლოგიები, სმარტ ქალაქის გადაწყვეტა და სხვა აქტუალური თემები.
კონფერენციის დასრულების შემდეგ გაიმართა შთამბეჭდავი შოუ ასეულობით დრონის მონაწილეობით, რასაც მოჰყვა გალა-ვახშამი ტრადიციული ჩინური მუსიკის ცოცხალი შესრულებითა და სხვადასხვა პრიზების გათამაშებით.
ღონისძიება გამოირჩეოდა მაღალი დონის ორგანიზებითა და მრავალფეროვანი პროგრამით, რაც კიდევ ერთხელ უსვამს ხაზს Uniview-ის პროფესიონალიზმსა და პარტნიორებთან მჭიდრო თანამშრომლობის მნიშვნელობას.
