ტექნოლოგიური დიალოგი თბილისში

8–11 აპრილს „ინტელკომ ჯგუფმა“ უმასპინძლა პარტნიორი ბრენდის — ZTT-ის რეგიონალური გაყიდვების ხელმძღვანელსა და მენეჯმენტის წარმომადგენლებს.

ვიზიტის ფარგლებში გაიმართა რიგი სამუშაო შეხვედრები, სადაც მხარეებმა განიხილეს ოპტიკური ქსელების მიმართულებით თანამშრომლობის გაღრმავების შესაძლებლობები და თანამედროვე ტექნოლოგიური გადაწყვეტები. ყურადღება გამახვილდა პროდუქტების ასორტიმენტის გაფართოებასა და მომხმარებლისთვის კიდევ უფრო მაღალი ხარისხის მომსახურების უზრუნველყოფაზე.

შეხვედრის ოფიციალური ნაწილის დასრულების შემდეგ სტუმრებმა დაათვალიერეს „ინტელკომ ჯგუფის“ თანამედროვე ოფისი. საქმიანი ვიზიტის ფარგლებში ასევე მოეწყო კულტურული ტური — დელეგაციამ მოინახულა თბილისის მიმდებარედ არსებული ისტორიული ღირსშესანიშნაობები.

„ინტელკომ ჯგუფი“ საქართველოში 2015 წლიდან ZTT-ის ოფიციალური პარტნიორია. თანამშრომლობა ფოკუსირებულია ოპტიკურ-ბოჭკოვანი ქსელის მიმართულებაზე და მიზნად ისახავს ინოვაციური ტექნოლოგიების დანერგვასა და განვითარების ხელშეწყობას რეგიონში.