2025 წლის 10-15 აპრილს, კომპანია „ინტელკომ ჯგუფმა“, პარტნიორ ბრენდთან UNV-თან ერთად, გამართა ერთობლივი სემინარი — „2025 წლის ტექნოლოგიური გზამკვლევი“.

ღონისძიება სპეციალურად იყო ორგანიზებული კომპანიის პარტნიორი დილერებისთვის და მიზნად ისახავდა უახლესი ტექნოლოგიური ტენდენციებისა და ინოვაციური პროდუქტების გაცნობას.
სემინარის ფარგლებში ბრენდ მენეჯერმა ნატალია გეგეშიძემ და კატეგორიების მენეჯერმა გიორგი მთვარაძემ დამსწრე საზოგადოებას გააცნეს UNV-ის 2025 წლის ახალი პროდუქციის ხაზი, პროექტებზე მორგებული ტექნოლოგიური გადაწყვეტები და პროგრამული უზრუნველყოფის გაუმჯობესებები, რომლებიც ქმნის უფრო ეფექტურ და მომხმარებელზე ორიენტირებულ გამოცდილებას.

ღონისძიება მნიშვნელოვანი პლატფორმა იყო ცოდნის გაზიარებისა და პროფესიული დიალოგისთვის — სივრცე, სადაც ხედვები, ინოვაციები და პარტნიორობა ერთიანდება მომავლის ტექნოლოგიური პროგრესისაკენ მიმავალ გზაზე.