2025 წლის 22 მაისს, ბერლინში გაიმართა Ubiquiti-ის მსოფლიო კონფერენცია – UniFi World Conference, რომელსაც ესწრებოდა 800-ზე მეტი მონაწილე მსოფლიოს სხვადასხვა ქვეყნიდან. ღონისძიებაზე მიწვეული იყო ინტელკომ ჯგუფი, როგორც Ubiquiti-ს ექსკლუზიური წარმომადგენელი ამიერკავკასიაში.

კონფერენცია გახსნა Ubiquiti-ის დამფუძნებელმა და CEO-მ – Robert Pera. ღონისძიებაზე აქცენტები გაკეთდა UniFi პროდუქტების გამოყენების მასშტაბურობაზე, საიმედოობაზე და ფართო ფუნქციონალურ შესაძლებლობებზე.
დღის განმავლობაში განიხილებოდა UniFi-ის ეკოსისტემის მომავალი – WiFi Design, UniFi Cloud, UniFi Talk & Connect, ასევე შემდეგი თაობის ქსელური გადაწყვეტები.

განსაკუთრებით დიდი ყურადღება დაეთმო ისეთ საკითხებს, როგორიცაა:

·         WiFi 7 ტექნოლოგიის დემონსტრაცია

·         UniFi Controller-ის ახალი შესაძლებლობები

·         ვიდეოსათვალთვალო სისტემებში ინტეგრირებული AI

ინტელკომ ჯგუფისთვის ასეთ მოვლენებზე ყოფნა არა მხოლოდ პატივია, არამედ სრულად ეხმიანება ჩვენს მისიას — ვიყოთ ტექნოლოგიური პროგრესის ავანგარდში და გამოცდილება გავუზიაროთ ჩვენს პარტნიორებს.