ინტელკომ ჯგუფსა და ბიზნესისა და ტექნოლოგიების უნივერსიტეტს (BTU) შორის გაფორმებული ურთიერთთანამშრომლობის მემორანდუმის ფარგლებში, კომპანიამ მოიწვია „საინფორმაციო ტექნოლოგიების“ ფაკულტეტის დაინტერესებული სტუდენტები 2025 წლის თებერვალი - აპრილის პერიოდში, სამთვიან ანაზღაურებად სტაჟირებაზე.
კანდიდატებმა სტაჟირებაზე შესარჩევად გაიარეს გასაუბრება და ტესტირება, რის შედეგაც შეირჩა 5 წარჩინებული სტუდენტი შემდგომი დასაქმების პერსპექტივით, რაც მოიცავს თეორიულ სწავლებას და პრაქტიკულ გადამზადებას, აგრეთვე, დასრულებული პროექტების გაცნობასა და მიმდინარე პროექტებში ჩართულობას.
სტაჟირების პროგრამის საწყის ეტაპზე სტუდენტები გაეცნენ ინტელკომ ჯგუფის საქმიანობას და ისტორიას, დაათვალიერეს ოფისი და გაიცნეს კომპანიის თანამშრომლები.
სტაჟირების პერიოდში ჩატარდება ტესტირებები. გამორჩეულ სტუდენტებს შესაძლებლობა ექნებათ დასაქმდნენ ინტელკომ ჯგუფის ტექნიკურ განყოფილებაში ქსელის სპეციალისტის პოზიციაზე, 1 წლიანი შრომითი ხელშეკრულებით.
