Ubiquiti, MikroTik, Teltonika, Uniview, HiLook, Draka და სხვა წამყვანი მსოფლიო ბრენდების ოფიციალური დისტრიბუტორი საქართველოში  - "ინტელკომ ჯგუფი“, აცხადებს ვაკანსიას ბრენდ მენეჯერის პოზიციაზე, ვიდეო-სამეთვალყურეო სისტემების მიმართულებით.

კომპანიის შესახებ დამატებითი ინფორმაციის გაცნობა შესაძლებელია შემდეგ მისამართზე: intellcom.net/ka/company/

ძირითადი მოვალეობები:

• პოტენციური კლიენტების მოძიება და მათთან საქმიანი ურთიერთობების დამყარება;
• გაყიდვების გუნდის დახმარება არსებული მომხმარებლების მართვაში, გაყიდვების ზრდის უზრუნველსაყოფად;
• გაყიდვების და ბაზრის ანალიზი;
• პრეზენტაციის/სემინარის მომზადება  და წარდგენა;
• გაყიდვის წინა და შემდგომი მხარდაჭერა ტექნიკურ განყოფილებასთან კოორდინაციაში;
• ბრენდის აქტივობების წარმართვა მარკეტინგის განყოფილებასთან კოორდინაციაში.

საკვალიფიკაციო მოთხოვნები:

• უმაღლესი განათლება ეკონომიკაში ან საინფორმაციო ტექნოლოგიების სფეროში;
• IT ინდუსტრიაში ან უსაფრთხოების სისტემებში ინჟინრის, გაყიდვების მენეჯერის და/ან მარკეტინგის სპეციალისტის პოზიციაზე მინიმუმ ორ წლიანი გამოცდილება;
• ეფექტური კომუნიკაციის, პრეზენტაციის და მოლაპარაკების უნარები;
• ინგლისური ან/და რუსული ენის კარგად ცოდნა;
• B კატეგორიის მართვის მოწმობა და ავტომობილის მართვის მინიმუმ ორ წლიანი გამოცდილება.

ანაზღაურება და ბენეფიტები:

• ფიქსირებული ხელფასი: 3200 ლარი + ბონუსები;
• ჯანმრთელობის დაზღვევა;
• რეგულარული კორპორატიული ღონისძიებები.

სამუშაო პირობები:

სამუშაო ადგილი: ქ. თბილისი, ტერევერკოს ქ. 42. - "ინტელკომ ჯგუფის" ახალაშენებული, თანამედროვე და სრულად კეთილმოწყობილი ოფისი, სასადილო ოთახით, 25 ადამიანზე გათვლილი საკონფერენციო ოთახით, შეხვედრების ოთახებით, გასართობი და სპორტული სივრცეებით, თანამშრომლებისთვის განკუთვნილი პარკინგით;
სამუშაო გარემო: კეთილგანწყობილი და მეგობრული გუნდი;
სამუშაო გრაფიკი: ორშაბათი-პარასკევი, 9:00-18:00 (შესვენება 1 საათი);
შვებულება: 24 სამუშაო დღე წელიწადში.

დაინტერესებულმა პირებმა საჭიროა CV გამოაგზავნონ ელ. ფოსტაზე vacancy@intellcom.net და გზავნილის თემაში (Subject) მიუთითონ მიმდინარე ვაკანსიის დასახელება - „ბრენდ მენეჯერი“.

გასაუბრება მოხდება მხოლოდ შერჩეულ კანდიდატებთან.

შპს "ინტელკომ ჯგუფის" მიერ გამოცხადებულ წინამდებარე ვაკანსიაზე გამოხმაურების შემთხვევაში, მათ შორის, თქვენი რეზიუმეს [CV] გამოგზავნით, თქვენ: ეთანხმებით, რომ შპს „ინტელკომ ჯგუფი“ უფლებამოსილია, კანონმდებლობით დადგენილი წესით, მიზნობრივად შეზღუდული ვადით დაამუშაოს თქვენი პერსონალური მონაცემები; ანიჭებთ შპს „ინტელკომ ჯგუფს“ უფლებას, თქვენი დასაქმების შესახებ უარყოფითი გადაწყვეტილების მიღების შემთხვევაში, თქვენგან მიღებული ინფორმაცია, მათ შორის, პერსონალური მონაცემები, შეინახოს და დაამუშაოს მათი მიღებიდან 6 (ექვსი) თვის განმავლობაში, დასაქმების შემდგომი შემოთავაზების მიზნით. დაუსაქმებლობის შემთხვევაში ამ ვადის გასვლისთანავე შპს „ინტელკომ ჯგუფი“ გაანადგურებს თქვენ მიერ გამოგზავნილ რეზიუმეს [CV] და კომპანიაში არსებულ პერსონალურ მონაცემებს.